/p. 412/ atque his futilibus superstitionibus Sacerdotes
populum eludebant. Alex. – At Pyrrhus,
Epirotarum Rex, cum e Locris Proserpinae thesauro
pecunias substulisset, naufragij multatus
est calamitate. I. C. – Dionysius eiusdem
Locrensis Proserpinae thesaurum compilarat,
secundis tamen ventis postmodum navigavit,
atque ita Deis irridendo socios alloquebatur:
«Videte quam prospera a Dijs immortalibus sacrilegis
navigatio detur».
DIALOGUS LVI.
De augurijs.
Alex. –
Quid de priscorum augurijs et
auspicijs credendum existimas?
I. C. – Fabulae sunt Sacerdotumque
illusiones ad laudis et lucri
aucupium Ethnicorumque Principum
figmenta ad plebem metu Superni
Numinis in servitio detinendam. Alex. – Quae
te movent rationes ad auguria vetustate robusta
pervertenda? I. C. – Fulgidissimum Illustrissimae
Sanctissimaeque Dominicanae Religionis
sidus Aquinas, Angelicus Doctor nuncupatus,
imo et Doctorum Angelus et Angelorum Doctor
(«multa – inquit Paulus – per Ecclesiam
Dei Principibus et Potestatibus innotescunt»)